كبد وقوانص بالبصل والزبدة والزعتر اكلة سهلة وجميلة

المقادير

كيلو مشكل كبد وقوانص وقلوب
حوالى نص كيلو بصل اساس الاكلة دى البصل
زيت وزبدة وملح وفلفل وزعتر وممكن فلفل حار حسب الرغبة

هنغسل الكبد والقوانص والقلوب كويس جدا
وبعد كدة نسلقهم ونشيل الريم اول باول
بعد السوا ننتظر يبردوا شوية وبعدين نقطعهم ونراعى ان الكبد تكون قطع اكبر من القوانص
علشان ما تتهريش وتتفتت
نقطع البصل ريش او جوانح او شرايح
ونحمره فى الزيت والزبدة لغاية ما يبقى شفاف يعنى يادوب يدبل او يصفر بس

ونقلب عليه باقى الخليط الكبد والقوانص والملح والفلفل والزعتر ونضيف شوية شوربة عليه يعنى نص كوب تقريبا ونسيبه على النار يتشرب وممكن ترشى عليه بقدونس للتزيين
وبالهنا والشفا

سلمت لنا نور الدين ولا حرمنا الله منك

جرب والف هنا

وصفة رائعه سلمت لنا يداك

فعلا وصفه هايله اخى
تسلم الايادى