القهوة مفيدة ل--------------

القهوة العربى احدث علاج

للصلع وتساقط الشعر وتقصف اطرافه

بجد الكلام ده؟ ايوة بجد

انا جايبلكم النهاردة علاج سهل جدالتساقط الشعر
ومفيد للصلع المبكر للرجالة

والستات

وبالتوفسق

بصو بقى احدث دراسة اثبتت ان الكافيين مفيد جدا للصلع
لانه بينبه هرمونات فى الجسم مسؤولة عن انبات الشعر

بس المشكلة ان الواحد عشان يعالج شعره
هيضطر يشرب 60 فنجان قهوة فى اليوم

طبعا هيضرب يعنى هيضرب

وبدل ما يعالج شعره هيروح ع العباسية

طب ايه الحل؟

لقو ان احسن حاجة ان استخدام القهوة يكون مباشر
يعنى على الشعر مباشرة

وكمان يفضل انها تكون القهوة الصفرا
اللى بتتشرب فدول الخليج

لان البنى بتاعتنا بتكون محمصة
والتحميص بيقلل من فاعلية الكافيين فيها

طب هتقولولى نستخدمها ازاى؟
بصو بقى
بتتعمل القهوى عادى وتتساب لما تبرد
وياريت تتصفى كويس

وبعدين يتسرح الشعر عادى جدا

ويتبل المشط بالقهوة ونسرح بيه الشعر لحد ما يتبل تماما

ونتاكد ان الفروة اتبلت من القهوة

وياسلام لو اتعمل مساج خفيف للفروة

ولو الاطراف مقصفه جدا تتغطس فى القهوة

وتلبس بونيه على شعرك

ومن 30 الى60 دقيقة تتساب القهوة على الشعر
وبعدين يتشطف عادى بالماء فقط

والقهوة اساسا بيضاف لها قرنفل وحبهان
يعنى الشعر بيكون ريحته حلوة

لذلك يفضل نعمل كده والشعر نضيف

عشان منضطرش نغسله بالشامبو ونضيع الاثر العلاجى للقهوة

بجد والله اللى بيداومو عليها بيقولولى كلام حلو عنها

اتمنى اكون افدتكم

ونفسى تجربوها وتقولولى على النتيجة

ومتنسوش تدعولى بالخير

انا منتظرالتفاعل والنتائج الحلوة تبان

أخى الفاضل هل جربة هذة الوصفه بجد ولا مجرد موضوع
ارجو الرد وجزاك الله خيرا

اعلم ان القرنفل والشاى ممتازين

ولكن القهوة ممكن لانها تشبه الشاى

شكرا لك

يوسف كتب:: أخى الفاضل هل جربة هذة الوصفه بجد ولا مجرد موضوع
ارجو الرد وجزاك الله خيرا

شكرا
انا لم اجربها لكن

لى اصدقاء جربوا

وان شاء الله ساجربها

وفداكم شعراتى

المهندس كتب:: اعلم ان القرنفل والشاى ممتازين

ولكن القهوة ممكن لانها تشبه الشاى

شكرا لك

الف شكر لحضورك الكريم