حواء والجنه ( حصرى لمنتدى مالك وانس )

اخوتى فى الله خدعوك فقالوا ان حواء اخرجت ادم من الجنه لاكن تعالوا نفكر مع بعض هل حواء فعلا سبب خروج ادم من الجنه ام سبب دخوله الجنه
حواء الام
الام لو اطعتها وطلبت رضاها وودها ان شاء الله تدخل برضاها الجنه
الجنه تحت اقدام الامهات انزل على رجل امك قبل قدمها قبل جبينها وان شاء الله تدخل بقبلتك على جبين امك الجنه تكفينى دعوه من امى لاعيش فى الدنيا اسعد انسان وادخل بها الجنه


حواء الاخت
هل تعرف اخى انك لو احسنت معاملة اختك وبعد زواجها وددتها ورفعت راسها امام زوجها دخلت بها الجنه ومااجمل ضحكتها الصافيه عندما تطرق بابها كأن الدنيا كلها بين ايديها فلا تبخل اخى فى ود اختك بنيه انها تكون سبب فى دخولك الجنه


حواء الزوجه
لو احسنت عشرتها وعطفت عليها وغمرتها بحنانك ان شاء الله تدخل بها الجنه
يكفى ان نبينا صلى الله عليه وسلم وصانا بالنساء فى خطبة الوداع وقال رفقا بالقوارير صدقت ياحبيبى يارسول الله
فعلا اخى الست زى الزجاج لو ضغط عليها كسرتها ولو لمستها كسبتها
ان شاء الله تكون زوجاتنا سببا فى دخولنا الجنه



حواء الابنه
هل تعرف اخى انك لو رزقت ببنتين واحسنت تربيتهم دخلت بهما الجنه
يعنى البنت كنز حافظ عليها وارفق بها لتكون سببا لدخولك الجنه



ايه رايك الان اخى حواء سبب دخولنا الجنه ولا خروجنا منها
اكتشفنا الان ان سبب خروجهما هما الاثنين الشيطان الرجيم

(فَوَسْوَسَ لَهُمَا الشَّيْطَانُ
لِيُبْدِى لَهُمَا مَا وُورِى عَنْهُمَا مِن سَوْءَاتِهِمَا وَقَالَ مَا نَهَاكُمَا
رَبُّكُمَا عَنْ هَذِهِ الشَّجَرَةِ إِلاَّ أَن تَكُونَا مَلَكَيْنِ أَوْ تَكُونَا مِنَ الْخَالِدِينَ.
وَقَاسَمَهُمَا إِنِّى لَكُمَا لَمِنَ النَّاصِحِينَ)[الأعراف: 20-21] .

طبعا الايه واضحه يعنى الشيطان الرجيم وسوس للاثنين مش حواء اللتى وسوست لادم
بارك الله فى امهاتنا واخواتنا وزوجاتنا وبناتنا واجعلهم ياربى سبب من اسباب دخولنا جنتك
رزقنى واياكم اخوتى الفردوس الاعلى